எனக்கு விதவிதமாக சமைப்பது என்றால் மிகவும் இஷ்டம் அதுவும் UKஇல் என் பேத்திக்கு & பேரனுக்குபிடிக்கும் சமையலை செய்வதென்றால் எனக்கு ரொம்ப சந்தோஷம். அப்படி இந்த வாரம் ஆப்பிள் பருப்பு என்ற டிஷ் செய்தேன். அதை சாப்பிட்டு ஆஹா ஓஹோ என்று புகழ்ந்தார்கள் அதை உங்களுக்கும் கூறுகிறேன் நீங்களும் செய்து பாருங்கள்.
ஆப்பிள் பருப்பு
தேவையான பொருள்
பச்சைஆப்பிள் 2
🍏🍈
பயத்தம் பருப்பு ஒரு கப்
கடுகு ஒரு ஸ்பூன்
உளுத்தம் பருப்பு ஒரு ஸ்பூன்
காய்ந்த மிளகாய் நான்கு
பெருங்காயம் அரை டீஸ்பூன்
கருவேப்பிலை ஒரு கொத்து
எண்ணெய் ஒரு டேபிள் ஸ்பூன்
உப்பு தேவையான அளவு
செய்முறை
ஆப்பிளை சிறியதுண்டங்களாக நெறுக்கி ஒரு டம்ளர் தண்ணீரில் வேக வைக்க வேண்டும். பயத்தம்பருப்பை குக்கரில் போட்டு இரண்டு விசில் வரும் வரை வைக்கவும் அதை வெந்தஆப்பிளுடன் சேர்த்து உப்பு போட்டு சிறிது கொதிக்க வைக்க வேண்டும். அதில் கடுகு உளுத்தம் பருப்பு, மிளகாய் பெருங்காயம் கருவேப்பிலை அனைத்தையும் தாளித்துக் கொண்டு கிளறி இறக்க வேண்டும். இதை சாதத்தில் பிசைந்துசாப்பிடலாம். சப்பாத்தி இட்லிதோசை போன்றவைகளுக்கு சைட் டிஷ் ஆகும் உபயோகப்படுத்தலாம் இதன் ருசி பிரமாதமாக இருக்கிறது என்று என்று எங்கள் வீட்டில் அனைவரும் ஆஹா ஓஹோ என்று புகழ்ந்தார்கள் நீங்களும் செய்து பாருங்கள்
